ന്യൂദല്‍ഹി:”1989-ലെ തിരഞ്ഞെടുപ്പിന് തൊട്ടുമുമ്പ് രാമജന്മഭൂമി ക്ഷേത്രത്തിന്റെ ശിലാസ്ഥാപന കർമ്മം നിർവഹിച്ചത് രാജീവ് ഗാന്ധിയാണ്. അന്ന് കർസേവകർക്ക് നേരെ വെടിവെപ്പുണ്ടായപ്പോൾ സോണിയാ ഗാന്ധി എന്തുകൊണ്ട് കണ്ണീർ പൊഴിച്ചില്ല?. എന്നാൽ ബാബറി മസ്ജിദ് തകർക്കപ്പെട്ടപ്പോൾ അവരുടെ കണ്ണുകളിൽ കണ്ണീർ നിറഞ്ഞു”. – സോ‌ണിയാഗാന്ധിയുടെ ആത്മകഥയെ വിമര്‍ശിച്ച് ബിജെപി എംപി നിഷികാന്ത് ദുബെ.
സഞ്ജയ് ഗാന്ധിയെ വില്ലനായും രാജീവ് ഗാന്ധിയെ നായകനായും ചിത്രീകരിച്ചിരിക്കുന്ന സോണിയയുടെ പുസ്തകം എങ്ങിനെ വിശ്വസിക്കും? എന്നും നിഷികാന്ത് ദുബെ ചോദിക്കുന്നു. സോണിയയുടെ അവകാശവാദങ്ങളോട് പ്രതികരിക്കാൻ സഞ്ജയ് ഗാന്ധിയോ ഇന്ദിരാ ഗാന്ധിയോ രാജീവ് ഗാന്ധിയോ ഇന്ന് ജീവിച്ചിരിപ്പില്ല. അപ്പോൾ, അവർ പറഞ്ഞ കാര്യങ്ങൾ ശരിയാണോ തെറ്റാണോ എന്ന് ആര് തീരുമാനിക്കും? – നിഷികാന്ത് ദുബെ ചോദിക്കുന്നു. .
അടിയന്തരാവസ്ഥയോട് (Emergency) ഇത്രയേറെ എതിർപ്പുണ്ടായിരുന്നെങ്കിൽ, 1980-ലെ തിരഞ്ഞെടുപ്പിൽ ഇന്ദിരാ ഗാന്ധി എന്തിനാണ് സഞ്ജയ് ഗാന്ധിയെ സ്ഥാനാർത്ഥിയാക്കിയത്? എന്തുകൊണ്ട് രാജീവ് ഗാന്ധിയെ മത്സരിപ്പിച്ചില്ല? ഇന്ത്യയുടെ സംസ്കാരത്തെയും നാഗരികതയെയും – കൂട്ടുകുടുംബ വ്യവസ്ഥ, മുതിർന്നവരുടെ സ്ഥാനം, ഇളയവരുടെ പങ്ക്, അമ്മായിയമ്മയുടെ സ്ഥാനം എന്നിവ ഉൾപ്പെടെ ഒന്നും അവർക്ക് ശരിയായി മനസ്സിലായിട്ടില്ല എന്ന് എനിക്ക് തോന്നുന്നു. മനേക ഗാന്ധിയെ കുടുംബവീട്ടിൽ നിന്ന് പുറത്താക്കാൻ നിർബന്ധിതയാക്കിയപ്പോൾ സോണിയാ ഗാന്ധിക്ക് ഒട്ടും വിഷമം തോന്നിയില്ലേ? ഈ പുസ്തകം സ്വയം പുകഴ്‌ത്താനും, ലോകത്തിലെ മറ്റെല്ലാവരും മോശക്കാരാണെന്ന് വരുത്തിത്തീർത്ത്, തന്നെത്തന്നെ വളരെ നല്ല വ്യക്തിയായി ചിത്രീകരിക്കാനും വേണ്ടി മാത്രമുള്ളതാണെന്ന് എനിക്ക് തോന്നുന്നു. ഇത് ഇന്ത്യൻ സംസ്കാരത്തിന് വിരുദ്ധമാണെന്ന് ഞാൻ വിശ്വസിക്കുന്നു.”- നിഷികാന്ത് ദുബെ പറഞ്ഞു.