ചെന്നൈ: തമിഴ്നാട്ടില് രാഷ്ട്രീയപ്രചാരണത്തിനെത്തിയ രാഹുല് ഗാന്ധിയെ കാണാതെ മുഖ്യമന്ത്രി സ്റ്റാലിന്. ഡിഎംകെ മുന്നണിയില് അംഗമാണെങ്കില് കൂടി രാഹുല് ഗാന്ധിയുടെ പല നിലപാടുകളും സ്റ്റാലിനെ വിറളി പിടിപ്പിച്ചിരിക്കുകയാണ്.
ഭരണം കിട്ടിയാല് അധികാരത്തില് ഒരു പങ്കുവേണമെന്ന രാഹുല് ഗാന്ധിയുടെ ആവശ്യമാണ് സ്റ്റാലിനെ വെറുപ്പിച്ചത്. ഇത് ഒരിയ്ക്കലും സാധിക്കില്ലെന്ന് സ്റ്റാലിന് തിരിച്ചടിച്ചിരുന്നു. മന്ത്രിസ്ഥാനങ്ങളെല്ലാം ഡിഎംകെയ്ക്കായിരിക്കും. ഇതോടെ എന്തിനാണ് ഇത്തരമൊരു സഖ്യം എന്ന രീതിയില് കോണ്ഗ്രസിനുള്ളില് വലിയ വിമര്ശനങ്ങളുണ്ടായി. പകരം ഏതെങ്കിലും കോര്പറേഷനുകളോ സര്ക്കാര് സ്ഥാപനങ്ങളിലെ ഡയറക്ടര്ബോര്ഡ് പദവികളെങ്കിലും നല്കാന് കോണ്ഗ്രസ് ആവശ്യപ്പെട്ടെങ്കിലും അതിനും സ്റ്റാലിന് വഴങ്ങിയിട്ടില്ല.
അതിനിടെ രാഹുലും കൂട്ടരും ടിവികെ നേതാവ് വിജയുമായി സഖ്യത്തിന് പുറപ്പെട്ടതും സ്റ്റാലിന് തീരെ ദഹിച്ചിട്ടില്ല. മിക്കവാറും തെരഞ്ഞെടുപ്പിന് ശേഷം അനുകൂലസാഹചര്യം വന്നാല് കോണ്ഗ്രസിനെ ഡിഎംകെ സഖ്യത്തില് നിന്നും സ്റ്റാലിന് പുറന്തള്ളിയേക്കുമെന്ന് രാഷ്ട്രീയനിരീക്ഷകര് പ്രവചിക്കുന്നു.