ന്യൂദല്‍ഹി: പുരാതനമായ ബുദ്ധമത കേന്ദ്രം സാരാനാഥ് യുനസ്‌കോയുടെ ലോക പൈതൃക പട്ടികയില്‍ ഉള്‍പ്പെടുത്തി. ഇന്നലെ ദക്ഷിണ കൊറിയയിലെ ബുസാനില്‍ നടന്ന ലോക പൈതൃക സമിതിയാണ്, ഭാരതത്തിന്റെ അപേക്ഷ അംഗീകരിച്ച് സാരാനാഥിനെ ലോകപൈതൃക പട്ടികയില്‍ പെടുത്തിയത്. ഈ പട്ടികയില്‍ ഇടം പിടിക്കുന്ന ഭാരതത്തിലെ 45 ാമത് കേന്ദ്രമാണിത്.

ഭാരതത്തിന്റെ മഹത്തായ പാരമ്പര്യത്തിന് വീണ്ടും ലഭിച്ച അംഗീകാരമാണിത്. ചരിത്രനേട്ടത്തെ പ്രധാനമന്ത്രി നരേന്ദ്ര മോദിയും കേന്ദ്ര സാംസ്‌കാരിക മന്ത്രി ഗജേന്ദ്ര ഷെഖാവത്തും യുപി മുഖ്യമന്ത്രി യോഗി ആദിത്യനാഥും അഭിനന്ദിച്ചു.

വാരണാസിയിൽ നിന്നും 10 കിലോമീറ്റർ അകലെയാണ് സാർനാഥ് ഉള്ളത്. ബുദ്ധന്റെ ആദ്യധർമ്മപ്രഭാഷണ സ്ഥലമാണ് സാർനാഥ്. ഇതോടെ ബുദ്ധമത സഭയായ സംഗം രൂപം കൊണ്ടു. പിന്നീട് മൗര്യ ചക്രവർത്തി അശോകൻ മൂന്നാം നൂറ്റാണ്ടിൽ ഇവിടെ ധാർമ്മിക സ്മാരകങ്ങളും, സ്തൂപങ്ങളും, അശോകസ്തംഭങ്ങളും സ്ഥാപിച്ചു. ഇവയിൽ ഏറ്റവും പ്രശസ്തമായത് അശോകസ്തംഭത്തിലെ സിംഹത്തലയാണ് ഇന്ന് ഇന്ത്യയുടെ ദേശീയ ചിഹ്നമായിട്ടുണ്ട്.

സാർനാഥിലെ പ്രധാന സ്തൂപങ്ങളിൽ ധമേക് സ്തൂപം ആണ് ഏറ്റവും പ്രശസ്തമായത്. ബുദ്ധന്റെ ആദ്യധർമപ്രഭാഷണ സ്ഥലമായി അറിയപ്പെടുന്നു, 43.6 മീറ്റർ ഉയരമുണ്ട്.

പ്രധാന സ്മാരകങ്ങൾ

ധമേഖ് സ്തൂപം – ആറാം നൂറ്റാണ്ടിൽ പുനർനിർമ്മിക്കപ്പെട്ട 43.6 മീറ്റർ ഉയരമുള്ള വിസ്മയകരമായ സ്തൂപം.
ചൗഖണ്ടി സ്തൂപം – ബുദ്ധൻ തന്റെ അഞ്ച് ശിഷ്യരെ ആദ്യമായി കണ്ടുമുട്ടിയ സ്ഥലം.
അശോകസ്തംഭം – കലാപരവും ചരിത്രപരവുമായ അപൂർവ്വ ശില്പകൃതി.
സാർനാഥ് പുരാവസ്തു മ്യൂസിയം – അനവധി ബുദ്ധ പ്രതിമകൾ, ശിലാലിഖിതങ്ങൾ, പുരാതന അവശിഷ്ടങ്ങൾ.

നൂറ്റാണ്ടുകളായി ആളുകളെ വളരെയധികം ആകർഷിക്കുന്ന കേന്ദ്രമാണ് സാർനാഥ്. ലോകമെമ്പാടുമുള്ള തീർത്ഥാടകർ, പണ്ഡിതർ, ഫോട്ടോഗ്രാഫർമാർ, സഞ്ചാരികൾ എന്നിവരെ ഇത് ആകർഷിക്കുന്നു. വർഷങ്ങൾക്ക് ശേഷം ഈ പുണ്യകേന്ദ്രം യുനെസ്കോയുടെ അംഗീകാരത്തിന്റെ വക്കിലാണുള്ളത്. സാർനാഥിന്റെ പ്രാധാന്യം അതിന്റെ പുരാവസ്തു അവശിഷ്ടങ്ങളെക്കാൾ കൂടുതലാണ്.

ഇവിടുത്തെ പുരാവസ്തു മ്യൂസിയം, നൂറ്റാണ്ടുകൾക്ക് മുമ്പുള്ളതിനെക്കുറിച്ച് പഠിക്കാൻ കഴിയുന്ന ഒരു നിധി ശേഖരമാണ്, ഇപ്പോൾ ഭാരതത്തിന്റെ ദേശീയ ചിഹ്നമായ അശോകന്റെ യഥാർത്ഥ സിംഹ തല ഉൾപ്പെടെ ഇവിടെ നിന്നുമുള്ളതാണ്.