ന്യൂസിലാൻഡിനെതിരെയുള്ള ടെസ്റ്റിൽ ഇന്ത്യയ്ക്ക് 118 റൺസ് ലീഡ്. മൂന്നാം ദിനം കളി അവസാനിക്കുമ്പോൾ ഇന്ത്യ 4 വിക്കറ്റ് നഷ്ടത്തിൽ 486 റൺസ് ശക്തമായ നിലയിലാണ്.
മത്സരത്തിൽ ഇന്ത്യയ്ക്ക് വേണ്ടി ഇറങ്ങിയ അഞ്ച് താരങ്ങളും 50 കടന്നു. കെ.എൽ രാഹുൽ 136 നേടി സെഞ്ച്വറിയിൽ തിളങ്ങിയപ്പോൾ ക്യാപ്റ്റൻ ശുഭ്മാൻ ഗിൽ 98 റൺസും സ്വന്തമാക്കി. യശ്വസി ജെയ്സ്വാൾ 85 റൺസും ദേവദത്ത് പടിക്കൽ 80 റൺസും റിഷബ് പന്ത് പുറത്താവാതെ 55 റൺസും നേടി.
ഇന്ത്യൻ ക്യാപ്റ്റൻ 98ൽ പുറത്തായതോടെ ന്യൂസിലാൻഡിൽ 90 റൺസുകളിൽ പുറത്താകുന്ന ആറാമത്തെ ഇന്ത്യൻ താരമായി ഗിൽ മാറി. റൂസി സുർത്തി (1968), വൂർക്കേരി രാമൻ (1990), മനോജ് പ്രഭാകർ (1990സ്), നവജ്യോത് സിങ് സിദ്ദു (1994), ശിഖർ ധവാൻ (2014) എന്നിവരാണ് ഇതിന് മുമ്പ് ന്യൂസിലാൻഡിൽ പൂജ്യത്തിന് മടങ്ങിയ ഇന്ത്യൻ താരങ്ങൾ.

ഒന്നാം ഇന്നിംഗ്സിൽ ന്യൂസിലൻഡിനെ 368 റൺസിനാണ് ഇന്ത്യ പുറത്താക്കിയത്. ന്യൂസിലാൻഡിന് വേണ്ടി ഹെൻറി നിക്കോൾസ്, ഗ്ലെൻ ഫിലിപ്സ് എന്നിവർ സെഞ്ച്വറി നേടി.
ജസ്പ്രീത് ബുംറ നാല് വിക്കറ്റുകൾ നേടി ഇന്ത്യൻ നിരയിൽ തിളങ്ങിയപ്പോൾ ആകാശ് ദീപ് മൂന്ന് വിക്കറ്റുകളും വീഴ്ത്തി.
അതേസമയം, നേരത്തെ ടി-20 പരമ്പരയും ഏകദിന പരമ്പരയും സ്വന്തമാക്കിയ ഇന്ത്യ ഹാട്രിക് പരമ്പരയാണ് ന്യൂസിലാൻഡിന്റെ മണ്ണിൽ ലക്ഷ്യം വെക്കുന്നത്. മറുഭാഗത്ത് ടെസ്റ്റ് പരമ്പരയെങ്കിലും സ്വന്തം മണ്ണിൽ നേടാനാവും കിവികളുടെ ലക്ഷ്യം.
The post 1968ൽ തുടങ്ങിയ നിർഭാഗ്യത്തിൽ വീണ് ഗില്ലും; രണ്ട് റൺസിന് വലിയ നഷ്ടം appeared first on Chandrika Daily.