ന്യൂദല്ഹി: രാജ്യത്ത് സൗരോര്ജം ഉപയോഗിക്കുന്ന കുടുംബങ്ങളുടെ എണ്ണം 45 ലക്ഷം പിന്നിട്ടു. കേന്ദ്ര നവ, പുനരുപയോഗ ഊര്ജ മന്ത്രി പ്രഹ്ലാദ് ജോഷിയാണ് ഈ കാര്യം അറിയിച്ചത്.
പ്രധാനമന്ത്രി സൂര്യഘര് മുഫ്ത് ബിജ്ലി യോജന പ്രകാരം കഴിഞ്ഞമാസം മാത്രം 3.11 ലക്ഷം വീടുകളില് സോളാര് പാനല് സ്ഥാപിച്ചു. ഇത് റിക്കോര്ഡാണെന്നും അദ്ദേഹം അറിയിച്ചു. ഗുജറാത്തിനും മഹാരാഷ്ട്രയ്ക്കും ശേഷം അഞ്ചു ലക്ഷം സോളാര് മേല്ക്കൂര ഇന്സ്റ്റലേഷനുകള് മറികടക്കുന്ന മൂന്നാമത്തെ സംസ്ഥാനമായി ഉത്തര്പ്രദേശ് മാറിയതായും അദ്ദേഹം വ്യക്തമാക്കി.
രാജ്യത്തുടനീളം സൗരോര്ജത്തിന്റെ ദ്രുതഗതിയിലുള്ള സ്വീകാര്യതയെ പ്രതിഫലിപ്പിക്കുന്നതാണ് ഈ നേട്ടമെന്ന് പ്രഹ്ലാദ് ജോഷി അഭിപ്രായപ്പെട്ടു.
സൂര്യപ്രകാശത്തെ സമ്പാദ്യമാക്കി മാറ്റുന്നതിലൂടെയും ഊര്ജസുരക്ഷ ശക്തിപ്പെടുത്തുന്നതിലൂടെയും കൂടുതല് ഹരിതാഭവും സ്വാശ്രയവുമായ ഭാവിയെ പിന്തുണയ്ക്കുന്നതിലൂടെയും വീടുകളെ ഇത് പരിവര്ത്തനം ചെയ്യുന്നുവെന്നും അദ്ദേഹം അഭിപ്രായപ്പെട്ടു.