பிரணித் மோரின் பழைய ‘ஸ்டாண்ட்-அப்’ நகைச்சுவை நிகழ்ச்சி ஒன்றில், பெண் மருத்துவர் ஒருவர் (இவர் சேஜல் பவார் என அடையாளம் காணப்பட்டுள்ளார்) ஆண் சடலங்களின் பிறப்புறுப்பு அளவு குறித்து நகைச்சுவையாகப் பேசியதாகக் கூறப்படும் வீடியோ ஒன்று சமூக ஊடகங்களில் வைரலாகி, பொதுமக்களிடையே கடும் அதிருப்தியை ஏற்படுத்தியுள்ளது. சமூக ஊடகங்களில் பிரபலமானவரான பவார், இதற்கு எழுந்த கடும் எதிர்ப்பைத் தொடர்ந்து பகிரங்கமாக மன்னிப்பு கோரினார்.

இணையத்தில் மீண்டும் பரவி வரும் அந்த பழைய வீடியோவில், மருத்துவர்கள் தங்களுக்குள் என்ன மாதிரியான நகைச்சுவைகளை செய்துகொள்வார்கள் என்று பிரணித் மோர் கேட்கிறார். அந்தக் கேள்விக்கு பதிலளிக்கும் போது, பவார் தனது மருத்துவக் கல்லூரி காலத்து நிகழ்வு ஒன்றை விவரித்தார்.