சிக்கிம் தலைநகர் காங்டாக்கில் உள்ள லோக் பவனில் நடைபெற்ற விழாவில், சிக்கிம் உயர் நீதிமன்ற தலைமை நீதிபதி ஏ. முகமது முஷ்டாக், துஷ்யந்த் குமார் கௌதமுக்கு பதவிப் பிரமாணம் மற்றும் ரகசியக் காப்புப் பிரமாணம் செய்து வைத்தார்.

இவ்விழாவில் முதலமைச்சர் பிரேம் சிங் தமாங், அமைச்சர்கள், சபாநாயகர், உயர் நீதிமன்ற நீதிபதிகள், மக்களவை உறுப்பினர்கள், சட்டமன்ற உறுப்பினர்கள் மற்றும் பிற முக்கிய பிரமுகர்கள் கலந்து கொண்டனர்.

சிக்கிம் ஆயுதக் காவல் படையினர் ஆளுநருக்கு பாரம்பரிய அணிவகுப்பு மரியாதையை வழங்கினர்.

ஜனாதிபதி திரௌபதி முர்மு அக்டோபர் 12 அன்று துஷ்யந்த் குமார் கௌதமை சிக்கிம் ஆளுநராக நியமித்தார். இவர் ஓம் பிரகாஷ் மாத்தூருக்குப் பிறகு இந்தப் பதவியை ஏற்கிறார்.