எப்போதும் பரபரப்பாகவும், வாகன நெரிசலுடனும் காணப்படும் சென்னை, சில நேரங்களில் கூட்டமே இல்லாமல் அமைதியாக இருந்தால் எப்படி இருக்கும்?

சாலைகளில் ஹாரன் சத்தம் இல்லை, சிக்னல்களில் நீண்ட காத்திருப்பு இல்லை, பிடித்த இடங்களுக்கு செல்ல டிராஃபிக் டென்ஷனும் இல்லை! நினைத்து பார்க்கவே ஜாலியாக இருக்கிறதா? ஆனால், அதே சென்னை திடீரென அமைதியாகிவிட்டால் ஒரு வெறுமை தோன்றத்தான் செய்யும்.

வழக்கமான டீக்கடை அரட்டை, நண்பர்களின் சந்திப்பு, இரவு நேர பீச் விசிட் என சென்னையின் கலகலப்பே தனி அழகு. கூட்டம் இல்லாத சென்னை நிம்மதியா? அல்லது நம்மை போர் அடிக்க வைக்குமா? என சென்னை மக்களிடம் மாலைமலர் சார்பில் கருத்து கேட்கப்பட்டது.