• Wed. Nov 18th, 2026

24×7 Live News

Apdin News

டிரம்ப், ஷி ஜின்பிங்குடனான சந்திப்பு புதினுக்கு ஏன் பெரிய வெற்றியாக அமையும்?

Byadmin

Nov 18, 2026


வியாழக்கிழமை நடைபெறவுள்ள விளாடிமிர் புதின், டொனால்ட் டிரம்ப், ஷி ஜின்பிங் ஆகியோர் இடையிலான சிறிய உச்சி மாநாடு ஏற்கெனவே ரஷ்யாவுக்கு சாதகமான ஒன்றாகத் தெரிகிறது. இந்தச் சந்திப்பின் முடிவு எதுவாக இருந்தாலும் சரி.

    • எழுதியவர், ஸ்டீவ் ரோசன்பெர்க்
    • பதவி, பிபிசி ரஷ்ய சேவை ஆசிரியர்
  • பிரசுரிக்கப்பட்டது

  • வாசிக்கும் நேரம்: 3 நிமிடங்கள்

வியாழக்கிழமை நடைபெறவுள்ள விளாடிமிர் புதின், டொனால்ட் டிரம்ப், ஷி ஜின்பிங் ஆகியோர் இடையிலான சிறிய உச்சி மாநாடு ஏற்கெனவே ரஷ்யாவுக்கு சாதகமான ஒன்றாகத் தெரிகிறது. இந்தச் சந்திப்பின் முடிவு எதுவாக இருந்தாலும் சரி.

2022-ஆம் ஆண்டை நினைத்துப் பாருங்கள். யுக்ரேன் மீது ரஷ்யா முழு அளவிலான படையெடுப்பைத் தொடங்கிய பிறகு, புதின் சர்வதேச அளவில் தனிமைப்படுத்தப்பட்டார். யுக்ரேன் போர் காரணமாக ரஷ்யாவையும் அதன் தலைவரையும் தனிமைப்படுத்த மேற்கத்திய நாடுகளின் தலைவர்கள் உறுதியாக இருந்தனர்.

ஆனால், 2026-ஆம் ஆண்டில் நிலைமை மாறியுள்ளது. சீனாவில் வரலாற்றுச் சிறப்புமிக்க ஒரு சந்திப்பில் புதில் கலந்துகொள்கிறார்.

வரலாற்றிலேயே முதல்முறையாக சீனா, ரஷ்யா, அமெரிக்கா ஆகிய நாடுகளின் தலைவர்கள் மூவர் மட்டுமே நேருக்கு நேர் அமர்ந்து பேச்சுவார்த்தை நடத்தவுள்ளனர்.

புதின் விரும்பிய இடத்துக்கு அவர் வந்துவிட்டார்: உலக அரசியலின் முக்கியத் தலைவர்கள் அமரும் உயர்மட்ட மேடையில், இரு பெரும் வல்லரசுகளின் தலைவர்களுடன் இணைந்து அமரும் வாய்ப்பைப் பெற்றுள்ளார்.

By admin