• Fri. Nov 20th, 2026

24×7 Live News

Apdin News

“திருப்பரங்குன்றம் மலை உச்சியில் உள்ள தீபத்தூணில் வரும் கார்த்திகை தீபத்தன்று தீபம் ஏற்றலாம், ஆனால்…” – உச்ச நீதிமன்றம் கூறியது என்ன?

Byadmin

Nov 20, 2026


தீபத்தூண்

பிரசுரிக்கப்பட்டது

வாசிக்கும் நேரம்: 4 நிமிடங்கள்

திருப்பரங்குன்றம் மலை உச்சியில் உள்ள தீபத்தூணில் நவம்பர் 24ஆம் தேதி கார்த்திகை தீபத் திருநாளன்று ஒருமுறை மட்டும் தீபம் ஏற்ற உச்ச நீதிமன்றம் அனுமதி அளித்துள்ளது.

அதேநேரத்தில், அங்கு தீபம் ஏற்ற அனுமதித்த சென்னை உயர் நீதிமன்றத்தின் உத்தரவுக்கு உச்ச நீதிமன்றம் இடைக்காலத் தடை விதித்துள்ளதாக ‘லைவ் லா’ இணையதளம் செய்தி வெளியிட்டுள்ளது. ஒருமுறை தீபம் ஏற்ற அனுமதிப்பதை, அங்கு தீபம் ஏற்றுவது பாரம்பரிய வழக்கம் என்ற கோரிக்கைக்கு அளிக்கப்பட்ட இறுதி அங்கீகாரமாகக் கருதக் கூடாது என்றும் நீதிமன்றம் தெளிவுபடுத்தியுள்ளதாகவும் லைவ் லா தெரிவித்துள்ளது.

அச்செய்தியின்படி, நீதிமன்றம் வழங்கியுள்ள இந்த அனுமதியை, எந்தவொரு தரப்பினரும் நிறுவப்பட்ட பழக்கவழக்கத்திற்கான ஆதாரமாகக் கருத முடியாது என்றும், அடுத்தடுத்த ஆண்டுகளில் இதேபோன்ற வழிபாடுகளைக் கோருவதற்கு இதைப் பயன்படுத்த முடியாது என்றும் நீதிமன்றம் தெளிவுபடுத்தியுள்ளது.

தேவஸ்தானத்தின் அங்கீகரிக்கப்பட்ட நபர்களும் அரசு அதிகாரிகளும் மட்டுமே தீபம் ஏற்றுவதற்காக மலை உச்சிக்குச் செல்லலாம் என்றும், பொதுமக்களுக்கு அனுமதி இல்லை என்றும் உச்ச நீதிமன்றம் உத்தரவிட்டுள்ளது. மேலும், பாதுகாப்பு ஏற்பாடுகளைச் செய்யவும், தேவைப்பட்டால் மத்திய தொழில்துறை பாதுகாப்புப் படையினரை (CISF) பணியில் ஈடுபடுத்தவும் உத்தரவிட்டுள்ளதாக, லைவ் லா தெரிவித்துள்ளது.

திருப்பரங்குன்றம் முருகன் கோவில்

உச்ச நீதிமன்றத்தில் ஒவ்வொரு தரப்பும் முன்வைத்த வாதங்கள் என்ன?

திருப்பரங்குன்றம் மலை உச்சியில் தீபம் ஏற்றுவதற்கு ஆதரவாகவும் எதிராகவும் வெவ்வேறு தரப்பினர் தங்களது வாதங்களை முன்வைத்துள்ளனர். அங்கு தீபம் ஏற்றுவது பாரம்பரிய வழக்கமா, அந்தத் தூணின் தன்மை என்ன, ஏற்கெனவே நடைமுறையில் உள்ள வழிபாட்டு முறையில் மாற்றம் செய்யலாமா என்பன இந்த வழக்கில் விவாதிக்கப்பட்ட முக்கிய அம்சங்களாக உள்ளன.

By admin