ஜிம்பாப்வே திணறல்:

சற்றே கடின இலக்கை துரத்திய ஜிம்பாப்வே மகளிர் அணிக்கு எதிர்பார்த்த தொடக்கம் கிடைக்கவில்லை. அந்த அணியின் தொடக்க வீரான லோரின் ஃபிரி 6 ரன்களுக்கு அவுட் ஆனார். எனினும், அடுத்தடுத்து வந்தவர்கள் ரன் குவிப்பில் கவனம் செலுத்தினர். மொடெஸ்டர் 49 ரன்களும், சிபோ முகெரி-டிரிபானோ 46 ரன்கள், பிலொவ்டு 34 ரன்கள், கேப்டன் ஜோசஃபைன் 22 ரன்கள் நயாஷா 20 ரன்கள் எடுத்தனர்.

எனினும், அடுத்தடுத்து களமிறங்கியவர்கள் ஒற்றை இலக்க ரன்களில் ஆட்டமிழந்தனர். இதனால் ஜிம்பாப்வே மகளிர் அணி 48.5 ஓவர்களில் 207 ரன்களுக்கு அனைத்து விக்கெட்டுகளையும் இழந்தது. இதனால், இந்திய அணி 121 ரன்கள் வித்தியாசத்தில் வெற்றி பெற்றது.

இந்தியா சார்பில் சிறப்பாக பந்துவீசிய வைஷ்ணவி 4 விக்கெட்டுகளையும், தீப்தி ஷர்மா 3 விக்கெட்டுகளையும், சயாலி, ஜிந்திமணி மற்றும் ஸ்ரீசராணி தலா 1 விக்கெட் கைப்பற்றினர். இன்றைய வெற்றி மூலம் இந்திய அணி மூன்று போட்டிகள் கொண்ட ஒருநாள் தொடரை 2-0 என்ற கணக்கில் கைப்பற்றியது.