
ആലപ്പുഴ: ജില്ലയില് പക്ഷിപ്പനി സ്ഥിരീകരിച്ചു. അമ്പലപ്പുഴ നോര്ത്ത്, ചെന്നിത്തല ഗ്രാമപഞ്ചായത്തുകളിലാണ് പക്ഷിപ്പനി സ്ഥിരീകരിച്ചത്.ഈ സാഹചര്യത്തില് 26,000 വളര്ത്തുപക്ഷികളെ നശിപ്പിക്കും.
പക്ഷിപ്പനി സ്ഥിരീകരിച്ചതിനെ തുടര്ന്ന് സ്ഥിതിഗതികള് വിലയിരുത്താന് ജില്ലാ കളക്ടറുടെ അധ്യക്ഷതയില് കളക്ട്രേറ്റില് യോഗം ചേര്ന്നു.രോഗം റിപ്പോര്ട്ട് ചെയ്ത പ്രദേശങ്ങളിലെ സാമ്പിളുകള് പരിശോധിച്ചതില് എച്ച്5 എന് 1 വകഭേദമാണ് സ്ഥിരീകരിച്ചത്.
ഇവിടങ്ങളില് ദ്രുതകര്മസേനയെ ഉപയോഗിച്ച് പക്ഷികളെ കൊന്നൊടുക്കല് നടപടികള് ഉടന് തുടങ്ങും. ജനങ്ങള് അതീവ ജാഗ്രത പാലിക്കണമെന്ന് അധികൃതര് അറിയിച്ചു.