കോഴിക്കോട് : വടകര കാഫിര് സ്ക്രീന്ഷോട്ട് കേസില് രണ്ടാം പ്രതി ഡിവൈഎഫ്ഐ നേതാവ് റിബേഷ് രാമകൃഷ്ണന് ചോദ്യം ചെയ്യലിന് ഹാജരാകാന് നോട്ടീസ്. വെള്ളിയാഴ്ച ജില്ലാ ക്രൈം ബ്രാഞ്ച് ഓഫീസില് ഹാജരാകാനാണ് പ്രത്യേക അന്വേഷണ സംഘം നോട്ടീസ് നല്കിയത്.
ഡിവൈഎഫ്ഐ നേതാവ് ജിതിന് ഭാസ്കര് സ്ക്രീന് ഷോട്ട് ആദ്യം അയച്ചത് റിബേഷിനാണെന്നും, സ്ക്രീന്ഷോട്ട് റെഡ് എന്കൗണ്ടര് എന്ന വാട്സാപ്പ് ഗ്രൂപ്പില് പോസ്റ്റ് ചെയ്തതത് റിബേഷാണെന്നുമാണ് അന്വേഷണ സംഘത്തിന്റെ കണ്ടെത്തല്
കേസില് ദിവസങ്ങള്ക്ക് മുമ്പ് റിബേഷിന് കോഴിക്കോട് ജില്ലാ സെഷന്സ് കോടതി മുന്കൂര് ജാമ്യം അനുവദിച്ചിരുന്നു. അറസ്റ്റ് സാധ്യത മുന്നില് കണ്ടാണ് മുന്കൂര് ജാമ്യത്തിന് അപേക്ഷിച്ചത്.
വടകര കാഫിര് സ്ക്രീന് ഷോട്ട് കേസില് പ്രതിയായ ജിതിന് ഭാസ്കറിന്റെ ജാമ്യം റദ്ദാക്കണമെന്ന ഹര്ജി വടകര ഒന്നാം ക്ലാസ് മജിസ്ട്രേറ്റ് കോടതി തള്ളിയിരുന്നു. പ്രതി ജാമ്യ വ്യവസ്ഥകള് ലംഘിച്ചെന്ന് കാണിച്ചായിരുന്നു ഹര്ജി.
ജിതിന് ജാമ്യം ലഭിച്ച ശേഷം വടകരയിലും തിരുവള്ളൂരിലും നടന്ന സ്വീകരണ പരിപാടികളിലെ അക്രമസംഭവങ്ങളും പൊലീസിനും സര്ക്കാരിനുമെതിരെയുള്ള വെല്ലുവിളികളും പ്രകോപന മുദ്യാവാക്യങ്ങളും ചൂണ്ടിക്കാട്ടിയാണ് പ്രത്യേക അന്വേഷണ സംഘം കോടതിയെ സമീപിച്ചത്.