• Thu. Nov 19th, 2026

24×7 Live News

Apdin News

இந்திய கேப்டனை நோக்கி பாலத்தீன வீரர் செய்த சைகை – இனவெறி என சர்ச்சை எழுந்தது ஏன்?

Byadmin

Nov 19, 2026


இந்தியா இந்தப் போட்டியில் 4-1 என்ற கோல் கணக்கில் வெற்றி பெற்றது. ஆனால், போட்டியின் முடிவைவிட அதில் எழுந்த சர்ச்சைகளே அதிகம் பேசப்பட்டன (சித்தரிப்புப் படம்)

படக்குறிப்பு, இந்தியா இந்தப் போட்டியில் 4-1 என்ற கோல் கணக்கில் வெற்றி பெற்றது. ஆனால், போட்டியின் முடிவைவிட அதில் எழுந்த சர்ச்சைகளே அதிகம் பேசப்பட்டன (சித்தரிப்புப் படம்).

பிரசுரிக்கப்பட்டது

வாசிக்கும் நேரம்: 3 நிமிடங்கள்

17 வயதுக்கு உட்பட்டோருக்கான இந்தியா – பாலத்தீன கால்பந்து அணிகளுக்கு இடையே நவம்பர் 17ஆம் தேதி மலேசியாவில் நடைபெற்ற போட்டி இரண்டு சம்பவங்களால் சர்ச்சைக்குள்ளானது.

முதல் சம்பவத்தில், இந்திய வீரரை உதைத்ததற்காக, பாலத்தீன வீரர் ஒருவருக்கு சிவப்பு அட்டை காட்டப்பட்டது.

இரண்டாவது சம்பவத்தில், இந்திய அணியின் கேப்டனை நோக்கி மற்றொரு பாலத்தீன வீரர் இனவெறி சார்ந்த சைகை செய்ததாகக் குற்றச்சாட்டு எழுந்தது. எனினும், அந்தச் சைகையை இனவெறி நோக்கத்துடன் செய்யவில்லை என்று சம்பந்தப்பட்ட வீரர் மறுத்துள்ளார்.

இந்தப் போட்டியில் இந்திய அணி 4-1 என்ற கோல் கணக்கில் வெற்றி பெற்றது. ஆனால், போட்டியின்போது நடந்த இரண்டாவது சம்பவத்தின் காணொளி வெளியானதைத் தொடர்ந்து சமூக ஊடகங்களில் விவாதம் தொடங்கியது.

இந்த விவகாரம் தொடர்பாக இந்திய கால்பந்து சம்மேளனம், ஆசிய கால்பந்து கூட்டமைப்பிடம் (ஏஎஃப்சி) புகார் அளித்துள்ளது.

By admin