കൊച്ചി: ആരോഗ്യത്തിന് ഏറ്റവും നല്ലതാണെങ്കിലും കയ്പ് കാരണം പലരും പാവയ്ക്കയെ അടുക്കളയിൽ നിന്ന് അകറ്റി നിർത്താറുണ്ട്. എന്നാൽ ശരിയായ രീതിയിൽ പാകം ചെയ്താൽ പാവയ്ക്കയെ അതീവ രുചികരമായ വിഭവമാക്കി മാറ്റാം.
കയ്പ് പൂർണമായും കളയാൻ ഈ 6 എളുപ്പവഴികൾ ചെയ്തു നോക്കൂ.
- ഉപ്പും മഞ്ഞളും പുരട്ടി വെക്കുക
പാവയ്ക്ക അരിഞ്ഞ ശേഷം അൽപം ഉപ്പും മഞ്ഞൾപ്പൊടിയും പുരട്ടി 20 മിനിറ്റ് മാറ്റി വെക്കുക. പിന്നീട് ഊറി വരുന്ന വെള്ളം നന്നായി പിഴിഞ്ഞ് കളയുക. കയ്പിന്റെ 50 ശതമാനവും ഇതോടെ പോകും.
- തൈരിൽ കുതിർക്കുക
അരിഞ്ഞ പാവയ്ക്ക കഷണങ്ങൾ 15 മിനിറ്റ് തൈരിൽ മുക്കി വെക്കുക. തൈരിലെ അസിഡിറ്റി കയ്പിനെ വലിച്ചെടുത്ത് പാവയ്ക്കയെ സോഫ്റ്റ് ആക്കും.
- ഉൾഭാഗം കളയാൻ മറക്കരുത്
കയ്പിന്റെ പ്രധാന ഉറവിടം പാവയ്ക്കയുടെ ഉള്ളിലെ കുരുക്കളും സ്പോഞ്ച് പോലുള്ള വെളുത്ത ഭാഗവുമാണ്. ഇത് നന്നായി ചുരണ്ടി പൂർണമായും നീക്കം ചെയ്യുക.
- പുളി ചേർത്ത് ബാലൻസ് ചെയ്യുക
പാവയ്ക്ക കറി വെക്കുമ്പോൾ അൽപം വാളൻപുളി വെള്ളമോ അല്ലെങ്കിൽ കുറച്ച് നാരങ്ങാനീരോ ചേർക്കുക.പുളി കയ്പിനെ ബാലൻസ് ചെയ്ത് രുചി കൂട്ടും.
- അവസാനം ഒരു കഷണം ശർക്കര
കറി വെന്ത് വരുമ്പോൾ അവസാന ഘട്ടത്തിൽ ഒരു ചെറിയ കഷണം ശർക്കരയോ ഒരു നുള്ള് പഞ്ചസാരയോ ചേർക്കുക. കയ്പ് മാറി നല്ല സ്വാദ് കിട്ടാൻ ഇതാണ് രഹസ്യം.
- നന്നായി വറുത്തെടുക്കുക
പാവയ്ക്ക നേർത്ത കഷണങ്ങളായി അരിഞ്ഞ് വെളിച്ചെണ്ണയിൽ ക്രിസ്പിയായി വറുത്തെടുക്കുക. വറുക്കുമ്പോൾ കയ്പ് സ്വാഭാവികമായി കുറയും. തോരൻ വെക്കുന്നതിനേക്കാൾ ഇങ്ങനെ ചെയ്യുന്നതാണ് നല്ലത്.
ഈ സൂത്രങ്ങൾ പരീക്ഷിച്ചാൽ പിന്നെ പാവയ്ക്ക കയ്പ് കാരണം ആരും മാറ്റി വെക്കില്ല.