பாகிஸ்தான் பிரதமர் ஷபாஸ் ஷெரீப், சமீபத்தில் சீனாவுக்கு பயணம் மேற்கொண்டார். இதையடுத்து சீனாவும், பாகிஸ்தானும் கூட்டு அறிக்கையை வெளியிட்டன.

அதில் ஜம்மு-காஷ்மீர் பற்றி குறிப்பிடப்பட்டிருந்தது. இதற்கு இந்தியா கடும் எதிர்ப்பு தெரிவித்து உள்ளது. இதுதொடர்பாக மத்திய வெளியுறவு அமைச்சக செய்தி தொடர்பாளர் ரந்தீர் ஜெய்ஸ்வால் கூறியதாவது:-

சீனா-பாகிஸ்தான் கூட்டு அறிக்கையில் குறிப்பிடப்பட்டுள்ள குறிப்புகளை இந்தியா முழுமையாக நிராகரிக்கிறது. ஜம்மு காஷ்மீர் மற்றும் லடாக் ஆகிய யூனியன் பிரதேசங்கள், கடந்த காலத்திலும், நிகழ்காலத்திலும், எதிர்காலத்திலும் இந்தியாவின் ஒருங்கிணைந்த மற்றும் பிரிக்க முடியாத பகுதிகளாகவே தொடர்ந்து நீடிக்கும். இவ்விஷயம் குறித்து கருத்து தெரிவிப்பதற்கான சட்டப்பூர்வ உரிமை வேறு எந்த நாட்டிற்கும் இல்லை.