புதுச்சேரி ஜிப்மர் குழந்தைகள் மருத்துவத் துறை, பல்துறை நிபுணர் குழுவின் கூட்டு முயற்சியுடன் 11-வயது சிறுமிக்கு சிறுநீரக மாற்று அறுவை சிகிச்சையை வெற்றிகரமாக செய்து முடித்துள்ளது.

இறுதிக்கட்ட சிறுநீரக நோயால் பாதிக்கப்பட்டு, கடந்த 1½ ஆண்டுகளாக டயாலிசிஸ் சிகிச்சை பெற்று வந்த அந்த சிறுமிக்கு இந்த சிகிச்சை செய்யப்பட்டது. சிறுமியின் தாயார் தனது சிறுநீரகத்தை தானமாக வழங்கினார். அறுவை சிகிச்சைக்கு பின்னர் தாயும், சிறுமியும் நலமாக குணமடைந்து வருகின்றனர்.